واي أوف لايف

10 ديسمبر 2019

مشكلة الحبوب بعد حجامة اللّحية: هوّ يعطيك الحل

 مشكلة الحبوب بعد حجامة اللّحية: هوّ يعطيك الحل

 

الزين الكل مربوط اذا اللحية محجمة مليح ولاّ لا. أما حجامة وحبوب يظهروك كاينك مراهق وموش مزيان برشا المنظر الحقيقة. هوّ تفسرلكم كيفاش ترد بالك على بشرتك قبل وبعد الحجامة. حاضرين؟ هيّا نبداو الحجامة

 

الحبوب الصغار بعد الحجامة

الحبوب الصغار لونهم روز، حمر بنكت بيض؟ أذاكة معناها شعرة مقلوبة. ديما الحب الي عنا في وجوهنا ما نفرزوهوش مع الحب الي يطلع ويبقى برشا. الشعرة المقلوبة تنجم تعمل برشا قلق: حموريّة، حبوب، وحتّى تعفّن البلاصة

 

كيفاش تنحيوها؟ 

قبل كل شي، ما تحاولوش تنحيوها بملقاط. هكّاكة تولي مشكلة، خاطر كيف تحك شعرة مقلوبة تنجم تتعفّن وتخلي حتّى سيكاتريس 

 

  حضروالجلدة قبل الحجامة 

حلو مليح الجلدة (ما تضحكوش، الحكاية مهمّة برشا): بالنسبة للّي مازالو يتعلمو، حطّو منشفة سخونة فوق البلاصة وخليوها دقيقة ولا ثنين. بالنّسبة للمستانسين، تنجمو تجربو تراتمون بزوز أنواع متع آسيد: غليكوليك ولاّ ساليكليك

  

أبداو بعد ما الجلدة تتحل مليح، حطو البرودوي الي معمول للجلدة متع الرجال. حركو دقيقة وأنتوما كاينكم تعملو في دور صغار وبعد أغسلو بالماء السخون، الماء البارد يخلي الشعر كاسح أكثر، وهذي حاجة ما تعاونش

 

هوّ تقترح عليكم باش تستعملو زيت متع حجامة باش العمليّة تكون أسهل

 

  نظفو الجلدة ببرودوي يمشي مع الجلدة متع الرجال

حاجة مهمّة برشا وما الازمش تهملوها خاطر تعاون باش تتنحى الباكتيريا الي تتلم نهار كامل

أغسل اللحية. أي، أما موش بأي حاجة. الشومبوان متع اللحية، ينظفها مليح من كل شي شد فيها من برة ولا من الفضلة متع الماكلة

هوّ تقترح عليكم زوز برودويات من ماركة تونسيّة "بور"

 

  لازم تعرف كيفاش تحجّم

باش ما يطلعش الحب، لازم تعدّي اللام في الاتجاه متع الشعر وما تستعملو كان اللام الجديد. هكاكة، الشعر الكل يتنحى وصعيب كان يبقى ولاّ يطلع تحت الجلدة. 

 

 روسات متع جدّة باش تنقص من الحكّان

خوذ الأسبيرين. الآسيد ساليكليك الي موجود فيه باش ينقص من الالتهاب والحكاك الي عملتو ماكينة الحجامة. فتفت شويّة آسبيرين في صحفة، زيدهم الماء وخلّط وبعد حط فوق وجهك

في الليل والنهار نظفو وجوهكم بماء ورد

 

 

آخر حل، تنجمو تخممو في اللازار

صراع الشيخة و الحرام في مخ التونسي

الڨلاص و البيرة ٫ شيخة,بلعة٫كعبات ...كلمات و مصطلحات ...

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

موضة الرجال فيها اللبسة فقط ؟

هو" زادة كيفو كيفها "هي" يهتم بمظهرو وبلبستو ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...