واي أوف لايف

13 نوفمبر 2019

اللحية أنواع، سيدي خويا

اللحية أنواع، سيدي خويا

رمز الرجوليّة بامتيازْ وحاجة تجمع الرجال الكل، اللحية في 2019 موضة علّخر. هوَّ قابلت سامي باشا، حجّام مختص في اللحية، صوابعو يغزلو الحرير"يخدم في باربار شوب موجا"، باش يحكيلنا على آخر التّقليعات. لحية ثلاثة ولاّ 10

أيام، دوكتايل  طبيعيّة ولاّ محجْمَة: اللحية وأسرارها باش تتكشف قدامكم، نوعدوكم.

 

لحية ثلاثة أيّام

هذي موضة عمرها ما تتبدّل بالوقت، حاجة ثابتة. باش تظهّر جانب متع الاثارة في الراجل، جو متع حرْكَة، متمرّد وثوري، هذي هيّ اللحية اللاّزمة

كيفاش تتلهى بيها؟

ردو بالكم. تظهر ساهلة، أما لازمها برشا لهوة. ننصحو بقصَّة كاا مدّة معيّنة وبنظام (الطول ما بين زوز وخمسة صانتي ماذابيكم) ولازم النظام خاطر منغيرو تنجّم تبان كاينها مْهَمْلَة

لشكون؟ أنواع الشعر الكل وأنواع الوجه الكل. اللحية االايت الي تمشي مع الناس الكل 

 

لحية عشرة أيّام

باينة أكثر من لحية الثاثة أيام، هذي ما نحكيو عليها، حسب الخبر متاعنا، كان بعد خمسطاشن يوم وتمشي أكثر من الشباب الي في المدينة ويحبو يلعبو بالقواعد الي حاطم المجتمع. قصيرة، أما تبقى ديما كلاسيك باش نجمو نراوها تجي مع المناسبات الكل

كيفاش تتلهى بيها؟

ديما وبنظام. كل خمسطاشن يوم خاطر الحدود متاعها لازم تبدا ظاهرة باش نتجنبو أنها تبان مْهَمْلَة

لشكون؟

طولها المتوسّط هايل بالنّسبة للرجال الي الشعر في اللحية متاعهم موش غْزِيرْ برشا. طلع زادة على الرجال الفك متاعهم كبير شويّة

 

اللَّحية دوكتايل

اللّحية هذي سبيسيال، تظهر هايجة وفيها لهوة. تمشي مع الرجال الي يحبو يظهرو الجانب الفنّي الي فيهم. فيها جرأة زادة خاطرها ماضية في آخرها. تخلّي الي عاملها يظهّر برشا جوانب من شخصيتو، مثلا كيف يلعب على الستيل والشلاغم. تطلع بعد تقريب شهر ولاّ شهر ونص.

كيفاش تتلهى بيها؟

فورمتها المنظمة وستيلها الي ما كيفو حتّى ستيل آخر، تخلِّيهَا تستحق لهوة كبيرة.  اللحية والشلاغم لازم يكونو ديما منظمين. معناها لازم كل خمسطاشن يوم ولاّ حتّى جمعة يتقدو.

لشكون؟

الرجال الي عندهم شعر مزيان ويحبّو التفاصيل. اللحية هذي ما تواتي كان الي وجهو مدوّر.

 

اللّحية الطبيعيّة

© Mohsen Ben Cheikh

اللحية هذي تجي مع شعر غزير شويّة وتعطي مظهر متع هيبستر. تنجّم تكون سكسي، تظهّر الراجل كول وما علابالوش. قويّة في الستيل وخاطرها تبان كاجوال ما تواتيش البلايص الكل. أحسبو شهرين باش تطلع.

كيفاش تتلهى بيها؟

ساهلة، يكفي أنك تخلّي اللحية تطلع حسب وين نابت الشعر. لازم لهوة وتحفيف باش نتجنبو أنها تظهر كاينها مْهَمْلَة

لشكون؟

الرجال الي اللحية متاعهم خفيفة ماهيش منصوح بيها. مجعولة للرجال الي عندهم شعر مزيان. الرجال الي وجوههم مربعة ولا طويلة اللحية هذي تواتيهم وتزيّنهم

 

اللحية المحجمة

هذي أي يحبوها الرياضيّين. اللحية المحجمة رجعت المدّة لخرانيّة بقوّة. فيها برشا حاجات: الشلاغم المقدودة، المقوسين، ولاّ أي حاجة أخرى... تظهّر الراجل لاهي بروحو

لشكون؟

بما أنّو تستحق برشا تفاصيل، ما تجيش مع الشعر الخفيف. عكس الوجوه المدورة الي يظهرو أشب باللحية هذي

 

ترجمت ضيا بوسالمي 

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...

نعرس ولا نقعد عازب ؟

نعرس والا ما نعرسش؟