واي أوف لايف

03 نوفمبر 2020

التونسي في رحلة البحث عن بينوم العمر

التونسي في رحلة البحث عن بينوم  العمر

اليوم في تونس أغلب الشباب ولى يلوج على استقلاليته، هاكا علاه بعد سوايع تبربيش على المواقع متاع الكراء تكسير الراس و تقطيع الساقين يلم سي ال هو  دبشو و يخرج يكري وحدو

أحنا قلنا وحدو؟

ماو هوني تجي مرحلة اختيار شريك العمر. سي البينوم  الي بش يهز معاه وذن القفة

برا عاد وقتها يبدا الكاستينغ ويتحل عليه  الكتاب

وجا عمك البينوم و جاب معاه المقلى و المقفول ...وهنا تبدا الحكاية يا توفى بصحبة العمر يا بعركة و فضيحة و اسمع يالي ما تسمعش

والبينوم  التونسي انواع سيدي خويا

 

لبيب

يمسح و يكنس  24/24 وساعات تهرب بيه و يضيقها عليك بالنظافة

 

المفرفش

قل لي وين فرة الكلسيطة اقول لك من انت؟

هذا كيفو كيف بيتو فوضى عارمة  حتى الكوجينة تتشفع منو

في اغلب الاحيان الشهر ما يكملش معاه

 

سي السهار

هذا تراه كان في الليل حاطط الحطة و مزقلم روحو و خارج يسهر و ساعة ساعة السهرية و القعدة تحلالو في الدار و يجيب كعباتو و صحيباتو و ملي كانت دار ولات اليوكا  و اشطح يالي ما تشطحش

 

الطباخ - بينوم الاحلام

هذا غرامو الكوجينة امك صنافة على حالها  مالح و حلو  عايش بشعارشبيك لبيك فطورك يجيك ليديك

 

الخو

العيشة ما تحلى كان معاه الدار بلا بيه تظلام و العشرة معاه تدوم

معاك في الباهي و الخايب في  ايام العجة و السوشي


 غفران شرفان

 

صراع الشيخة و الحرام في مخ التونسي

الڨلاص و البيرة ٫ شيخة,بلعة٫كعبات ...كلمات و مصطلحات ...

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

موضة الرجال فيها اللبسة فقط ؟

هو" زادة كيفو كيفها "هي" يهتم بمظهرو وبلبستو ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...