الڨلاص و البيرة ٫ شيخة,بلعة٫كعبات ...كلمات و مصطلحات يتسمعو كل يوم في كل بلاصة و تركينة في تونس إلي تصنف الأولة عربيا و التاسعة عالميا في إستهلاك الكحول
لكن رغم هذا الكل كيف تتسمع كلمة هكا في التلفزة و إلا الراديو تولي عيب و حرام . كلها تبدا تحكي و تفتي . إنجمو نقولو إلي التونسي عايش في إنفصام في الشخصية و حتى الهوية
مزيج بين التحرر و التفتح و الرجوع للدين والعادات والتقاليد ! مش فاهم كوعو من بوعو ، بلغتنا أحنا يحب يسكر و يصلي
ما نجموش ننكرو إلي التونسي صيف و شتاء ما تحلالو اللمة و الركشة مع الأحباب و الأصحاب كان بكعبات و ما تيسر من الأنواع الأخرى متاع الكحول و بعض الكمية لمن إستطاع إليه سبيلا. و الشيء هذا نلقاوه بين كل الأجيال والطبقات
فلذا سيدي خويا أحكي بالفرشة و خلي الشعب يسكر و يعيش و يزينا من العقد
غفران شرفان