واي أوف لايف

12 نوفمبر 2020

علاش اجيك النوم بعد الجنس ؟

علاش اجيك النوم بعد الجنس ؟

 

 شنوة تستنى المرا بعد ممارسة الحب مع شريكها؟ الأكيد انو الأغلبية باش يجاوبو: شوي تعنيق وتدحنيس...شوي حديث على كل شي وعلى حتى شي...أو عالاقل يعبرو لبعضهم على الفعل الجنسي كفاه كان ..يقيموه..يحكيو فيه...لكن الأكيد ما يتمناوش شريكهم يعمل عكس توقعاتهم و يرقد بعد ما تنتهي ممارسة الحب.   

وبمجرد انو الراجل يعطي بظهرو ويرقد يخلف برشة اسئلة عند الأنثى...زعمة الحكاية كانت كارثية لهالدرجة؟ ياخي تمتعنا كما يلزم؟ زعمة ماعادش نعجبو كيف ما قبل ؟ وإلا ما كنتش قد حجم انتظاراتو؟ و مئات الاسئلة تجي في بالها أول ما تاخذوا عينوا.

 
زعمة طبيعي انو يرقد بعد العلاقة الجنسية؟  

مالبديهي انو باش نقولو انو الراجل يتعب بعد جهد كبير وكأنو كان يعمل في طرح بوكس ودوب ما طلعت النتيجة خذا استراحة المحارب.السبب ينجم يكون فيزيولوجي بحت كيما أثبتتوا البحوث العلمية وإنو بدن الراجل أثناء ممارسة الجنس يسيب برشة هرمونات ومواد كيميائية تمنعوا من انو يبقى فايق.  

و نزيدك زيادة انو فما صلة قوية بين ممارسة الجنس وبين النوم العميق خاطرهم مربوطين بعضهم..كل ما كان الجنس بكثرة كل ما يستجيب البدن للنوم و العكس بالعكس كل ما يقل النوم كل ما تتقلص الرغبة في ممارسة الجنس.  

بشوي فدلكة، حاول ديف زينكزنكو، صاحب كتاب الإجابة على السؤال  الفلسفي هذا و قال لصحيفة هافيغتون بوست: "الرجال يرقدوا لأنو النساء ما يتحولوش إلى بيتزا"، وبالرغم من انو الجواب ساخر إلا أنو صارت فالموضوع برشة أبحاث باش يلقاو الاجابات العلمية لمسألة النوم بعد الجنس.  

برشة جهد   

في ممارسة الجنس، يصير للراجل تدفق الدم أكثر من أي فعل جسدي عادي، ما ينجر عليه إفراز الأندروفين فيحس الراجل بتعب كبير كيما بعد ممارسة الرياضة فيتعب ويستسلم للنوم..سبب مالاسباب الي يخلي الفرنسيي يشبهو هزات الجماع بالموت الصغير في اشارة لتوقف المخ على التفكير.  

المواد الكيميائية  

الابحاث بينت انو أثناء عملية القذف يطلق البدن مواد كيميائية عندها صلة كبيرة بالنعاس ، السيرتونين، الأوكسيتوسين، الفازوبرسين، إلي بل اين الكل، والواقع انو إطلاق البرولاكتين مرتبط بالشعور بالإشباع الجنسي. 

وغالباً ما ينجر على إفراز المواد الكيميائية هذي إطلاق هرمون الميلاتونين، الي يعتبر الهرمون الأساسي الي ينظم الساعة البيولوجية في البدن، و الأوكسيتوسين (هرمون الحب) يقلل من مستويات التوتر، الي يسبب طول حالة من الاسترخاء والنعاس.   

 

انو يرقد بعد العلاقة موش معناها ما يحبكش 

 

علماء النفس التطوري أكدوا على انو استسلام الراجل للنوم موش دليل علإهمال أو قلة المحبة بالعكس اذا كان رقد الراجل بسهولة فهو دليل على علاقة وثيقة وقوية تخليه ما يخممش برشة وبعض العلماء قالوها بصريح العبارة "كل ما رقد شريككم أكثر بعد ممارسة الجنس، كلما كانت الرغبة في الترابط أقوى".  

الحل؟   

اغلب الحلول الي نجحت في محاربة النوم بعد الجماع، تتمثل في انو في عوض وقت عملية القذف يشد النفس باش يحافظ على نفس وتيرة التوتر لزيادة الشعور بالنشوة  وكأنوا باش يموت.  يحاول يتنفس بطريقة منتظمة أكثر وسلسة..لانو نقص الاكسيجين فالدماغ يسبب بالتالي يولي الراجل عندو ميْل للنوم والنعاس والتعب.   

حاجة أخرى تنجم تعاون وقت يبعد الراجل على وضعية النوم ويحاول يقوم..يعمل دوش..يسمع موسيقا  لانو المخ لا إراديا يربط الفرش بالنوم ويعطيه سينيال باش يرقد طول ما هو مستلقي عالفرش..  

وعلى كل شعور الراجل بالنوم ماهوش كارثة وإلا ذنب نلوموه عليه لأنو بالفعل يكون بعد ممارسة الحب لا حول له ولا قوة...وفي ٧وض ما نبقاو نغليو دخلاني نتناقشو فالأمور هذي ونعبرو عالحاجات الي تقلقنا والا تخلينا نخمموا بصوت واطي..أفضل من خلق صراعات داخلية من فراغ.

 

 

  

 

 

 سيرين كافي

صراع الشيخة و الحرام في مخ التونسي

الڨلاص و البيرة ٫ شيخة,بلعة٫كعبات ...كلمات و مصطلحات ...

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

موضة الرجال فيها اللبسة فقط ؟

هو" زادة كيفو كيفها "هي" يهتم بمظهرو وبلبستو ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...