06 جانفي 2020

كيفاش تقنع عرفك باش يزيدك في الشهريّة ؟

 كيفاش تقنع عرفك باش يزيدك في الشهريّة ؟

 

هذي مشكلة يتعرضولها ديما الشهّارة: الزيادة في الشهرية 

كان العرف مكسّح راسو، هاو شويّة حلول باش تنجم تحكي معاه. 

 

حضّر كلامك قبل: 

فمّة مبدأ باريتو، كان ما تعرفوهش، نفسروهولكم قبل ما نرجعو لموضوعنا: 80 بالميا من إلّي يصير راجعين ل20 بالميا من الأسباب. وكان نحكيو على كلامك للعرف توّة نفهمو إلّي 80 بالميا من نجاحك ما يكون كان في 80 بالميا من التحضير متاعك.

حضر المطالب متاعك وأولوياتك: "كان ما ناخذش زيادة، ناخذ بريم ولاّ سمارت فون، بي سي جديد، اشتراك في صالة متع سبور، تيكيات ريستو، وعلاش لا، نهار نخدم من الدار في الشهر ولا ف يالجمعة.. كل شي تحصلو باهي. 

 

أخدم على هيّتك: 

أحكي بتربية، حاول أقنع وكون متفهّم. وخاصّة أعرف وين تاقف في الكلاموما تدخلش في عركة باش ما تخسرش كل شي.

 

أعرف تجاوب وأبقى مركّز: 

بالطبيعة كل عرف يستعمل نفس الحجّة (الي ساعات تطلع غالطة): ما فماش فلوس. 

ما تسلّمش، في عوض 50 دينار في الشهر، تنجّم تطلب بريم متع عطلة ولاّ بريم أخرى. وكان بالحق ما تحبّش الخسارة، أعمل سوايع زايدة ووأطلب: بريم على خدمتك وحط هدف وأوصلّو باش تربح. 

 

ملخّر، ما تخليهاش تتعدّى عليك: كان عرفك حاشتو بيك بالحق، توّة يعديّلك ويعطيك حقّك. يعرف اذا كان باش يقلّك لا على كل شي وما يزيدكش  باش تولي تخمم كان في حاجة وحدة: تمشي تفركس خدمة أخرى. وما تقولش في تونس ما فماش، تهنّى، الباهين والخدامة ما يقعدوش بطّالة. 

 


 

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...

نعرس ولا نقعد عازب ؟

نعرس والا ما نعرسش؟

تونس خضرا بقزازها

  شنوة أول فكرة تجي لمخك كيف تسمع كلمة بلعة؟ الاكيد ...