واي أوف لايف

12 ديسمبر 2019

مشاكل الراجل في الفرش في أربعة دروس

 مشاكل الراجل في الفرش في أربعة دروس

 

في وقت النجاعة هيّ كل شي، وكل شي عندو علاقة بالجنس والبورنو موجود في كل بلاصة، فمّة حاجة موجودة برشا وعاديّة مازلت ما نحكيوش فيها في تونس: العجز الجنسي

 

هوّ تحكي مع الدكتور خليل رياض حمزة، مختص في المسألة وتفهم منّو أسباب العجز هذي وشنوّة لازم يتعمل باش تتحسّن الحياة الجنسيّة

 

  موضوع ما يتحكاش فيه وفاهمينو بالغالط

أخطانا من الحكايات الفارغة والحشمة: أنّو الراجل تصيرلو مشكلة في الفرش، عادي. وما لازمش نتفجعو خاطر عادي. نهار خايب، ستراس أسباب تخلي الراجل يصيرلو بلوكاج في الفرش.  

"أوّل حاجة لازم نعرفوها في تونس، أنو الحكاية هذي مازلت فيها مشكلة في مجتمعهنا، أطذاكة علا ش الجنس في حد ذاتو يخلق مشاكل تسبّب العجز." 

هكّة فسرلنا الدكتور حمزة. النتيجة؟ لازم نسبو الأمور ماكانش، مشينا فيها

 

  ليلة الدخلة: سبب رئيسي في المشكل الكل

الدخلة كيما يسميوها في عوض ما تكون آخر حاجة في السهريّة، بالنسبة لبرشا رجال هي مصدر متع ستراس وقلق. وكان ما تعرش كيفاش تمسها، كيفاش تتعامل معاها وما يصير شي؟ برشا باش يلقاو رواحهم حاضرين، كيما يتوهمو، يمشيو للحل متع بائعات الهوى. وديما تصير الحكاية بطريقة آليّة وما عندها حتّى معنى أكثر من هذا تتقلب دراما ساعات. 

 

الدكتور حمزة يشوف أنّو "أغلب الوقت، فمّة شكون يمشيو للبلايص هذي باش يزيدو في الخبرة متاعهم أما تسعة مرات على عشرة، هذا يزيد في قلّة الخبرة وحتى يهز ثقتهم في نفسهم. في لخر، الأفضل أنهم يكتشفو كل شي مع نساهم حتى كان صارو حاجات وغلطات عاديّة." 

 

 البورنو، أوّل حاجة يتعلّم منها التونسي الجنس

حسب الدكتور حمزة: "تسييب البورنو لناس ما تعرش بداناتها خلق مفاهيم غالطة في مخاخهم. برشا يسألو على حاجات يراةها ةيقارنو فيها بالي عندهم. فمّة بلوكاج يصير خاطر يسخايلو رواحهم ماهمش مؤهلين. مشكلة كبيرة هذي، خاطر في حاجات هكّة ما فماش قواعد"

 

فيبالكم الي الي تراو فيه في الأفلام متع البورنو يصير بطريقة ما تتصدّقش؟ المرا ما هياش ممثّلة في الأفلام هاذم. موش معقول أنو حد يحاول يبقى نفس الوقت الي موجود في الأفلام. بما أنّو في تونس ما عناش ثقافة جنسيّة، ديما الأمور تكون كارثيّة. ديما نستناو في حاجات مستحيل نوصلولهم

 

  دخان، مخدرات، وطريقة عيش

حسب دراسة عملتها الشركة الفرونكوفونيّة متع الطب المختص في الجنس عام 2004 (ما لقيناش دراسة أجد) 353 مريض تونسي، أكثر من الثلثين منهم يداويو على مشاكل جنسيّة هوما في نفس الوقت يتكيفو، بالمناسبة ولا ديما و27 بالميا منهم يشربو.  موش معناها تبطيل الدخان والشراب لازم أما اللازم أنو نعرفو الي الشرب والدخان يْسَاهْمُو فِي العجز الجنسي.  "الشراب، ينجم يكون باهي وخايب، من جهو ينجّم يعاون باش تتنحى الحشمة كان الكميّة شويّة وكان برشا، بالطبيعة باش تكون غيبوبة. لازم نكونو عقلانيين باش نجمو نتمتعو بكل شي." حسب الدكترور حمزة

 

فازة من عند هوّ: الماكلة/ الشراب هاذم تنجّم تعاون: شراب أحمر، بيتراف، بطيخ، بانان، حوت، فلفل، فانيليا، تاي، شوكلاطة

 

 وقتاش تشوف طبيب؟ 

تنجّم تكون المشكلة صحيّة. كان عملتو كل شي وما تبدّل شي. وقيّت تشوفو طبيب. بعد التعدية توّة يعرف بالضبط السبب.  أما الأسباب الرئيسيّة هوما: الزيادة في الميزان، السكر، أمراض القلب ولا الأعصاب. "بالنسبة للحالات الخفيفة بخلاف السكر والأعصاب أكثر حرابش زرق معروفين ينجمو يحلو المشكل. بالنسبة للخرين فمّة الزرارق. ولاّ في حالات أكثر خطورة فمّة بروتاز. تنجّم الكلمة تخوّف أما عاديّة وتحل المشكل ويتعاش بيها"

 

في أغلب الحالات، حتى وقت يبدا فمّة سبب طبي، ديما مربوطة بسبب عملي. علاش؟ خاطر، حسب الدكتور، مهما كان المكشل في البدن موش ممكن يخلق حاجز ويعطل العمليّة النسيّة

 

 

الحلول موجودة وما تناشاوش الي الجنس قبل كل شي هو متعة

 

 

أن صوفي سافتير

ترجمة ضيا بوسالمي

صراع الشيخة و الحرام في مخ التونسي

الڨلاص و البيرة ٫ شيخة,بلعة٫كعبات ...كلمات و مصطلحات ...

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

موضة الرجال فيها اللبسة فقط ؟

هو" زادة كيفو كيفها "هي" يهتم بمظهرو وبلبستو ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...