02 ديسمبر 2019

بور كوسميتيكس: ماركة كوسميتيك تونسيّة للرجال

بور كوسميتيكس: ماركة كوسميتيك تونسيّة للرجال

 

نستناو فيها عندنا برشا وأخيرا وصلت. قنبلة 90-60-90 متع قياسات؟ كرهبة من آخر ما تصنع؟ لا. ماركة متع

برودويات وما تستحقش تبيع كلوة باش تشري جال ولاّ زيت. بور كوسميتيك، فيها أكثر من 80 بالميا من مكوناتها

طبيعيّة، ومخدومة في تونس وتصلح علّخر وبالطبيعة، كيما فهمتو، سوم معقول. هذي خلطة مستحيلة؟ لا. هوّ

تقدملكم الماركة هذي إلّي جربناها وعجبتنا

 

ماركة طموحة

الماركة هذي مازالت كيف لنصاوها زوز خوات ما عندهاش أشهرة، فارس وحاتم زرّوق، حاجة صغيرة مازلت كيف

بدات رغم الي عندها كل شي باش تنجح وتكبر. برودويات موجودين هايلين وبمكونات طبيعيّة وفي أغلب

الأحيا تونسيّة. من ناحية الإنتاج، فمّة تركيز على سيركوي قصير مع تصنيع في تونس العاصمة في لابوراتوار

متاعها. طريقة باش يثبتو ديما في الجودة متع البرودويات وباش يعطيو أحسن أسوام ونوعيّة. البرودويات يتباعو

بين 20 و30 دينار.  "الناس المختصين في الشيمي جبناهم من التوانسة الي في الخارج. منهم شكون يخدم في

برشا شركات متع كوسميتيك عالميّة. نجحنا باش شجعناهم على الرجوع خاطر عجبهم مشروعنا وراو فيه حاجات

تنجم تنجحو. هكّة حكالنا فارس زرّوق

 

قصّة تتبدّل

في العادة، نحكيولكم على قصّة متع أمّالي مشاريع الي عرفو نهار من النهارات شنوّة باش يعملو.

مع بور كوسميتيكس، نحبو نفهموكم الي موش ديما الوضعيّة هكاكة. في الدنيا، ساعات، الحكاية الكل حكاية

فرص.  الزوز خوات بقاو ديما يخممو في أنهم يلانصيو مشروعهم الخاص بما أنهم قرايتهم كانت في البيزنس وفي

الماركيتينغ،أما عمرهم ما خممو يعملو مشروع في الكوسميتيك. "ملّول، خممنا في دومانات أقل قلق ما كان عنّا

حتّى فكرة على دومان الكوسميتيك أما بعد ما روح خويا وعدّى ستّة سنين في أمريكا، شفنا الي فمّة مرشي

للكاية. كان يجيبلي في ماركة متع جلال باهية برشا ووقت حبّيت نشريها من تونس، لقيت روحي يا نشريها بالغالي

يا نشري وحاد ماهمش باهين. هكّة تولدت الفكرة والماركة". 

 

البرودويات الي عجبونا

توّة الماركة تقترح عشرة برودويات، تلقاوهم عند صالات الحجامة أما منا لآخر الصيف، بور كوسميتيك باش تتوسّع

وباش تزيد في العدد متع البرودويات.  كرام للوجه، جال متع حجامة وبارفان للحية وحاجات أخرى. بالطبيعة

الكلهم مخدومين بنفس الفيانة والجديّة متع البرودويات الي جربناهم

 

خترنالكم 4 برودويات الي لازم تجربوهم

 

1-   للّي عندهم لحية: زيت اللحية 

مكوّنات ميا بالميا طبيعيّة، منهم زيت الجوجوبا، زيت الأموند وزيت الخروع. حبينا ريحتو البنينة الي تواتي الرجال.

عد أيامات من التجراب، الشعر رطاب وبعد جمعتين البلايص الفارغة ولاّت أغزر

 

2-   للشعر الي داخل بعضو: مولدينغ كلاي

باش تظهر بلوك ناتورال يشد نهار كامل، عجبتنا البوماضة هذي الي معمولة بالطين والعسل. تعطي للشعر القصير

ولا الطويل شوية فورمة. ريحتها زادة مزيانة

 

3-    للشعر العادي: شومبوان كيرا برو 

في البرنامج، شومبوان ما فيهش سولفات  ولا سيليكون، مخدوم خصيصا للشعر العادي. يحافظ على الشعر نهار

كامل ويتجنّب التزييت متع آخ رالنهار. حبينا زادة المواد الي معمول بيهم كيما الكيراتين ولقش الكوكو الي تعطينا

حماية من الأشعة البنفسجيّة

 

4-   للشعر الخفيف

يصلح للشعورات الكل. في هوّ ننصحو بيه للشعورات الخفيفة. علاش؟ خاطرها كرام تغذّي. الشعر يظهر يلمع اكثر

وغزير

 

 أحنا عجبونا وننصحو بهالبرودويات المعمولين في تونس

 

أن صوفي 

ترجمة : ضيا بوسلمي

 

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...

نعرس ولا نقعد عازب ؟

نعرس والا ما نعرسش؟