واي أوف لايف

13 نوفمبر 2019

كيفاش تتخلص من عبد شادد فيك صحيح ؟

كيفاش تتخلص من عبد شادد فيك صحيح ؟

  الحكاية معروفة، وقت نشوفو رفض من الطرف لاخر ديما صعيب نقبلو.أما، صدقو ولا ما تصدقوش، أنّك تكون في الجهة لخرى متع الرفض حاجة ماهيش ساهلة بالكل 

 

 

الهرسلة فيبالنا الي هي حاجة حكر على الرجال أكهو. باهي، خلينا نستعرفو، يمكن. أما راهو يتمارس من نساء

وزيد في تونس، وين النساء عندهم طبايع خاصّة. هُوَّ تنقذكم وتجيبلكم الحل كان واجهتكم مشاكل متع تصرفات

من هالنوع الي للأسف مازلت موجودة

 

إلّي مقتنعة أنك انت الراجل الي تحب تكمّل معاه حياتها

 

شربتو قهوة وهيّ بدات تحكيلك على مقابلة مع دارهم وعلى العرس. تبعثلك إعلانات متع كرا برتمانات وحضرت البلانينيق متع علاقتكم (إلّي أصلا ما فماش). الحقيقة، انت تعرف الي هي ما عندهاش مخطّط لا ليك ولا ليها زادة: تلقى راجل وتعرّس ماهي الاّ حاجة في ليستة ورتاحت منها

 

كيفاش تخرج من المشكلة؟

هي عملتك الرجل المناسب؟ أثبتلها االعكس. حاول ما تتلاقاش معاها في أي داتْ  هي تقترحها وكيف تتقابلو ما تخلّصش الفاتورة.  وقت تبداو تحكيو، فهّمها إلّي انت تحب تبقى تعيش في دار بوك وأمّك وما تشوفش روحك في المستقبل عامل صغار بما أنّو الحديث هذا ما يمشيش مع نظرتها للكوبل باش تمشي تفركس في بلاصة أخرى 

 

إلّي تلصقك في وسائل التواصل الاجتماعي

 

تحط جام  على تصاورك الكل في أنستغرام من 2016، تاغيك  في حاجات تكتبهم ولا تحطهم على حيطها في فايسبوك وانت ما تخليهمش يظهرو، تبّع فيك بالساكتة على سناب شات (هانا نشوفو فيك). من الجماعة الي مازالو يبعثو بوك ؟ أكيد مقتنع، البنيّة هذي ماهيش باش تسيّبك. كان تنحّي كل شي على انترنات، تلقى كيفاش تبتبت في بروفيلات أصحابك

 

كيفاش تهرب منها؟

كان تخلّصت من الفكرة متع إنك تبلوكيها على خاطرها ديما عندها في كل مرّة كونت  آخر، قاوم الشر بالشر. أظهر مع أصحابك، خاصّة البنات. في سهريّة ولا على البحر. حاول تنوّع قد ما تقدر، على قد ما اللعبة كبيرة على قد ما خير تعطيها فاش تتلهى، وكان شدّت صحيح، توّة تضيع بين بروفيلات صحابك وتخليك وحدك شويّة


إلّي تبالغ في الرومنسيّة

 

تمّن بالحب، بالحق. الي في الأفلام مع فازات متع رومنسيّة ولحظات مشاعر. تحلم بقصّة حب قويّة وين تكون هيّ روز  وانت جاك وتبقاو مع بعضكم الى الأبد. البنيّة هذي باهية أما على نيّتها برشا والحاجات الي تتعوّد تعملهم يعطلوك في النهار متاعك

كيفاش تمنع؟

المعجبة متاعك الي ماهيش متخبية برشا وما أحلاها وحساسة وما تهونس باش تعمللها حاجة خايبة. إبدا الساعة قابلها في بلايص هيّ ترتاح فيهم. إسألها علاش مهتمّة بك لهالدرجة على عكسك انت؟ هذي بداية باهية متع حديث باش تقلها بوضوح شنوّة رايك 

 

إلّي تحب تمنعك

تقرب وتشبه للبنيّة الرومنسيّة، "المنقذة" هيّ الأميرة المزيانة على حصان أبيض. شخصيّتها قويّة، تعرف آش تحب وما تتردّدش باش تقلب الدنيا باش توصل للي تحب عليه. بالنسبة ليها، انت ديامنتة وتستحق شويّة مجهود. خسارة، ماكش نشوف في الأمور كيفها. بالنسبة ليها انت تحدّي وتحدّي كبير زادة

 

كيفاش تخرج منها؟

تلهى بآرائها، توّة وحدك تكتشف أكة "أعمل هذي" وما "تعملش هذي". تحب الرجال الحشامين؟ أحكي، تسيّب (بالغ شويّة ميسالش)، فدلك وخليك ثقيل شويّة كان لزم. تحب التواصل في الكوبل؟ ما تشاورهاش جملة في برمج الويكاند، أعمل كل شي وقرّر وحدك. الفكرة أنّك تفهمها إلي انت ماكش باش تتبدّل جملة وإلي يا تقبلك كيما انت يا لا. نورمالمون، باش تمشي. ربي معاكم، قلوبنا معاكم

 

صراع الشيخة و الحرام في مخ التونسي

الڨلاص و البيرة ٫ شيخة,بلعة٫كعبات ...كلمات و مصطلحات ...

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

موضة الرجال فيها اللبسة فقط ؟

هو" زادة كيفو كيفها "هي" يهتم بمظهرو وبلبستو ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...