واي أوف لايف

16 سبتمبر 2019

عشرة دقايق تنظف فيهم الدار ، تنجم ؟ هو يفسرلك كيفاش تتصرف

 عشرة دقايق تنظف فيهم الدار ، تنجم ؟ هو يفسرلك كيفاش تتصرف

 دقايق تنظف فيهم الدار ، تنجم ؟ 

 

تعيش وحدك ولا تسكن مع صوحابك حاجة هايلة أما ساعات كيف يجيو العايلة يطلو عليك و الأصحاب يقعدو بحذاك و

صاحبتك تبقى عندك وقتها لازم ما تدخلش بعضك و تزرب تنظم الدار باش حتى كان تعيش وحدك يقولو هذا يعمل ستة و

ستين كيف

 

ما تخممش برشا و تبع " هو " باش تعرف كيفاش تنظم دبشك في رمشة عين. " فيساع ثما شكون جاي " ولا " دقيقة ، نكون

بحذاك " ساهل برشا باش معادش تتقلق كيف تسمعهم و يكون بالك مرتاح خليك ذكي و أختار البيت إلي باش تنظفها الأول

حسب الشخص إلي جاي بحذاك و البلايص إلي ينجم يدخللها في الدار.

 

 صاحبتك باش تجي بحذاك 

- بيتك ، أول حاجة : 30 ثانية أكهو تنجم تلم فيها السرير متاعك ، حاجة بسيطة ما تاخذش فيها برشا وقت أما قيمتها كبيرة

باش توري إلي إنتي منظم و تحافظ على بلاصتك نظيفة مباعد تتلاها بالحوايج المطيشة على القاعة تلوحهم فيساع في السلة

متاع الغسيل و في الأخر كانك تتكيف في البيت إلي يبقى من الدخان طيشو في الزبلة و ح ّل شبابيك البيت تو يتكفل الهواء

بالباقي ، و الأمور تكون واضحة هكاكا

 

 ما تنساش تعمل تشليلة صغيرة لبيت البانو و ما فيها ، جو متاع حب و قعدة مزيانة تنجم تفسد كيف تكون بيت الراحة كلها شعر و فيها وسخ ، يصير على الحي يصير

كان مازال عندك وقت ، أكنس مليح المدخل متاع الدار و تكون إستقبلت صاحبتك بالباهي و ما تخليهاش تحس جيتها ثقيلة عليك ، و هكاكا مشات معاك صحيحة

 

 

 الأقارب / الأصحاب باش يطلو عليك 

 والديك و أقاربك ولا صوحابك يهمهم هوما زادا نظافة البلاصة إلي تعيش فيها و ساعات تلقى منهم شكون يثبت و يعس

أكثر من الازم من غير ما تحصل وريهم إلي إنتي تنجم تتحمل المسؤولية وحدك و كانك معرس ولا غيرو تنجم توريوهم إلي

إنتوما ثنائي هايل مع بعضكم و منظمين بلقدا ، ملا لا

 

تأكد إلي من الدار الكل بيت الصالة هي أول وين باش يدخلو ضيوفك و يقعدو ، البنك و الكانابي أحرص إنك تمسحهم بطرف

صابون سايل مسحة خفيفة تنحي عليهم الغبرة و ما تنساش القهاوي الفارغة و الدخان إلي باش يدورو العام فوق الطاولة متاع

الصالة باش تهز تلوحهم و تحل الشبابيك باش يدور الهواء و تمشي أي ريحة خايبة

 ما تلوحش باكوات " الليلا " إلي تنجم تكون نساتهم صاحبتك في بيت الراحة فين ما جاء و أعمل طلة على الصابون و شوف

كان لاصق فيه شعر اللحية متاعك بدلو و حط مواد تجميل جديدة و منشفة موش مسخة

 

 جاء وقت الكوجينة ، إلي بالطبيعة باش تلقى أمك تدور و تتفقد فيها و موش باش تمنع الفريجيدار من إنو تحلها و ترا أش ثما

وسطها و تقلب المواد إلي غادي و تشوف تاريخ الصلوحية متاعهم هي المهمة متاعك إنتي قبل ما تكون بحذاك بالأخص كان

بعثتلك ماكلة ليها برشا تأكد راك ما نسيتهاش و ما خليتهاش تفسد ، كان الحوض متاع الكوجينة كلو ماعون لازمو يتغسل و

إنتي باخل عليه ، لازمك على الأقل قبل ما يجيو والديك تحسب روحك حطيتو في ماكينة الغسيل و زعما زعما مازالت كيف

دخلت و تنظف في ماعون البارح موش ماعون جمعتين التالي هكاكا عصفورين بحجرة و تو تشفق عليك ميمتك و تقلك ولدي

سيب عليك نكمل نغسلهم أنا

 

يلا في يدك 10 دقايق باش تطبق كلامنا كان مش أقل من الوقت هذاكا 

الحب الافلاطوني بين التونسي و كرهبتو

  يحبو الميكانيك صاحبي ! جملة تخليك تفهم الي ...

اليوم العالمي للرجال

  19 نوفمبر يبانلكم تاريخ عادي وبرشة كيف يسمعوا بيه ...

حياتو في الترنسبور على كف عفريت

الساك فوق ظهرو ، البورطابل مكفن في أغرب البلايص،عينيه ...

نعرس ولا نقعد عازب ؟

نعرس والا ما نعرسش؟