ملّي تسمّى في نوفمبر 2018، روني الطرابلسي هبط للشارع وفي البلاتوات متع التلافز باش يروّج تونس كوجهة سياحيّة .هوّ قابلِتُّو وهذا البورتريه متاعو
زيارات، صالونات عالميّة، تاليفونات للناس المشرفين على المهرجانات كيما مهرجان الصحرا الالكترونيّة
انترفيوات، وبرامج مشهورة في العالم الكل: روني الطرابلسي موجود في البلايص الكل ملّي تسمّى في وزارة
السياحة في نوفمبر. أما في 27 جوان، وقت البلاد تعيش في زوز عمليات ارهابيّة في العاصمة وخبر دخول الرئيس للسبيطار، روني ظهر كوزير ما فماش كيفو. الاستراتيجيا متاعو واضحة: "الهبوط للميدان" باش يروّج للسياحة
شدّيت صحيح باش نمشي نقابل البياعة والتجار باش نقلهم الي
من غدوة التوريست باش يرجعو. كان لازم نقلهم الكلام هذا بيدي
بلاغ ما كانش باش يكفي
"النهار هذا كنت خايف منّو، وكنت نتمنى ما نعيشوش وقت أنا وزير. صعيب برشا تجيري حاجة هكّة.الخلايا
الي ضد تونس الكل يظهرو. برشا يتمناو تونس ما تخرج ملي هيّ فيه." هكّة فسرلنا الوزيرالي بعد ربع ساعة
من الإعلان على العمليّة الارهابيّة، لَمْ المستشارين متاعوة الكل. باش يبقاو حتّى عقاب الليل يشوفو فاش يحكيو
الاعلام التونسي والعالمي. بالتوازي، روني الطرابلسي اتّصل بالمسؤولين الجهويين "نحبّو نعرفو ردّة فعل
التوريست في الوتلة، حبينا نعرفو زادة كان لي اجونس بداو يتحيرو" وفيسع ما تهنى: "السياح، حتّى الي كانو
موجودين في شارع بورقيبة، محافظين على دمهم بارد. أكثر من التوانسة يمكن. توّة يعرفو الي هذي حاجة
تنجّم تصير في أي بلاد في العالم.
في العشيّة، خرج من شارع بورقيبة. دورة تقريبا كيما تحكى على دورة الوزير لول يوسف الشاهد ومعاه
وزير الداخليّة. روني الطرابلسي، يأخذ وقتو، يسلّم على الناس ويطمّن فيهم. وزير "كيما الناس الكل"، رغم الي
فمة البوديغارز الي ما يعطلوهش وما يقلقوش. "شدّيت صحيح باش نمشي نقابل البياعة والتجار باش نقلهم الي
من غدوة التوريست باش يرجعو. كان لازم نقلهم الكلام هذا بيدي. بلاغ ما كانش باش يكفي. هوما الي باش
يتحيرو لولانين. ما كنتش نفركس على الميديا أما جاو بطبيعتهم وهذا الي خلاني نعدّي ميساج كونو مسؤولين
ما تطيحوش في فخ البوز
بما أنو بروفيسيونال في السياحة، روني الطرابلسي يشوف أنو واحدة من الغلطات الي صارت في 2015 هي
أنو تعداو تصاور متع كرتوش وناس تموت "كان لازم نعاقبو الناس الي حطت تصاور هكّة. هذي ما هياش
حريّة الصحافة أما احترام الضحايا ونتجنبو البروباغندا متع الإرهاب"
لعقاب الليل، بقى يجاوب في التلافز ووسائل الاعلام. كلموه على الكاتينال في تلفزة فرانسويّة الي هي سي نيوز
مع آل كاباش "خفت كلمت الوزير الأوّل الي قلي برى عندي فيك ثقة." الوزير يقرر يأخذ الطيارة الساعتين متع
الليل. في المطار الراجل خايف : كنت وحدي، نقرا في الأخبار. قلت للسيّد متع الأمن الي معايا "باش نمشي
نسلّم على البوليسيّة"خفت لا يفهمو الي أنا هارب في الوقت الي البلاد مستحقة فيه للناس الكل" حكى مع
البةليسيّة وبعد للمسافرين الي ستناو في طياراتهم. مازال ربع ساعة قبل ما يطلع للطيارة. روني الطرابلسي ما
يحب كان يرجع يستنى وأكهو. تصويرتو دارت برشا على الفايسبوك. يحكيو على الوزير المتواضع الي يحكي
مع الناس الكل منغير ما يخاف على روحو: "نفركسو في شكون صورها لتوّة، قالها وهو يفدلك، ما كانتش
مقصودة، جات بطبيعتها رغم الي المسؤول على الأمن ما كانش موافق"
في باريس، نهارين والوزير الي عمل البوز وقت ظهر في البرنامج متع سيريل حنونة، باش يختار كيما يلزم
القنوات الي باش يخرج فيهم: مشيت لفرونس 24 خاطر القناة موجودة في الوتلة وزيد يتبعو فيها الي جايين من
الغرب العربي الك والي يجيو برشا لتونس. آر تي آل، خاطر راديو مهمّة.." الوزير الي عمل فورماسيون في
الاتّصال، تعامل مليح مع الأزمة. "مختص في التواصل بطبيعنو" هكّة حكى عليه المسؤول على الاتصال معاه
"ديما يقولولي الي نعرف نجاوب على كل شي، قالها وهو يضحك. أني نمختص في المجال، هذا يعطيني برشا
مصداقيّة.
نحكي على الواقع ما نعملش السياسة. على كل حال، الحكاية هي هبوط للتيرانموش مشكل كان عملنا
شويّة لغة خشبيّة" حاضر برشا في الاعلام لدرجة أنو الحوارات متاعو تحك يعلى السياحة كيما العمليّات
الارهابيّة. فرحان الي قناة فرانسويّة نحات الانترفيو متاعو أربعة أيام بعد الي صار. "ما عادش يحب يحكيو
على العمليّة الارهابيّة. الاعلام الفرانساوي ما مشاشا ورا العاطفة، ما خرجوش دوسي الجهاديين" ملّخر
المهمّة متع وزير السياحة في الاعلام كانت ناجحة رغم الي برشا شككّو في "اليهودي" الي تحط في المنصب
"كان تحب تعاون بلادك، توّة وقيّت"
هوّ بيدو مستعرف الي ما كانش عينو برشا بالمنصب "كلموني في 2014. المرّة هذي حكيت برشا مع يوسف
الشاهد على قطاع السياحة. وقت طلب مني نقبل الوزارة، صعبت عليّ خاطر عندي أموري وخدمتي. عايلتي
في باريس. فهّمني الي ما عنديش حل آخر: "كان تحب تعاون بلادك، توّة وقيّت" بوه وأمو نبهو عليه: روني
الطرابلسي لقى معارضة كبيرة نتيجة الديانة متاعو. حكى على النقاشات في المجلس وقت تنصيبو. "المشكلة
الي الي ضد اليهود يتخبي ورا شعار ضد الصهيونيّة، على كل حال هذا عطى مفعول عكسي عند الناس
وولّيت يحبوني برشا".
وجهو الي يرتّح ويعطي الأمان يلعب لصالحو. في وسط بيرو مذخم، روني الطرابلسي يخليك مرتاح. ساهل
باش توصلّو موش كيما برشا من زملاؤو ويعطي نومروه الشخصي ويحكي مع الناس الكل ويتذكّرهم ويسأل
عليهم. يحكي مع عايلتو الي يتوحشها وعلى عرس بنتو الي عندو ثلاثة أيام. في رمضان، يتحسّر على خاطر
خدمتو ما تخليهمش يهبط يلعب الكارطة كيما العادة في القهوة. قدامو، تحس روحك كاينك مع حد تعرفو عندك
برشا.
56 سنا، روني الطرابلسي تعرض لبرشا مشاكل خاطرو يهودي. في 1985، عام الي يعدي في الباك، بوليس
تونسي ضرب بالكرتوش في وسط السيناغوغ متع الغريبة. ثلاثة توفاو منهم واحد من أقاربو عمرو 5 سنين.
جمعة قبلها، في حمام الشّط، قتل 50 فلسطيني و18 تونسي. الجو مكهرب، حتّى في جربة، وين مولود روني
الطرابلسي ويقرا واليهود مستقرين. وقتها، مشى لباريس، جمعات قبل ما يعدّي الباك.
في فرنسا، بدا يخدم في النسيج. "كيما بالنسبة للناس الكل، صعبة عليّ باش نلقى خدمة. والقراية صعيبة خاطر
كان عندي فرونسي خايب. " بعدها ولاّ كوميرسيال وبعد حل حانوت. من جربة لباريس، غرامو بالكورة بقى
كيما هو. ملاعبي جمعيّة جربة بقى يلعب في باريس مع توانسة من ديانات مختلفة. في 1988، هوّ وخواتو
الأربعة، حل فرونبري. تطوّر المشروع، وحل كل عام مغازة أخرى لمدّة عشرة سنين. اليوم العايلة تسيّر في
خمسة. بالتوازي، روني ديما ينظم رحلات متع عطلة لتونس وحل آجونس صغيرة. في 2001، قرّر باش
يطوّر الحكاية "قابلت وزير السياحة، منذر الزنايدي، الي نصحني باش نحل في تونس خاصّة وأنو الناس الكل بعدت على العالم العربي بعد أحداث 11 سبتمبر." رويال فورست ترافل نجحت من 2003 حتى
2007 وعملت حتّى 130000 حريف في العام. شريكتو الثانية الي تبيع في الرحلات على أنترنات تخدم مليح زادة.
اليوم، واحد من خواتو الأربعة، جوزيف، هوّ الي لاهي بالزوز شركات. باش يربح الوقت. على خاطر وقت
تسأل روني الطرابلسي شنوّة الي باش يعملو وقت يرجع ما عادش وزير يجاوب منغير ما يتردّد: "الي
كنت نعكل فيه ديما، نجيب التوريست لتونس"
ماريلين دوماس
ترجمة ظيا بوسالمي